НА ЦВЯРОЗЫ РОЗУМ
-
На цвярозы розум
Усё на свеце
Можа наш народ,
Калі што робіць
На цвярозы розум.
І мог бы жыць
Без тлуму і згрызот.
Ды ці бывае
Ён калі цвярозым?.. -
Серпентарый
– У серпентарыі жыву, –
Казаў Ілля. –
Усё ў сям'і ідзе
Наступным ладам:
Калі хільну я –
Дык мая змяя
Мяне за гэта
Называе гадам!.. -
Не ў сваёй талерцы
Хільнуўшы лішку,
На вяселлі сват
Упаў суседу
Носам у салат.
Кума Анэта
Кажа свацці Верцы:
– Здаецца, сват наш –
Не ў сваёй талерцы!.. -
Ты сама здагадайся па голасе
На мяжы
Спіць расінка на коласе,
Чутны ў цемры
Брэх кумавай сучкі…
Ты сама
Здагадайся па голасе:
Колькі грошай прапіў
Муж з палучкі?.. -
Не зразумела
Муж жонку просіць:
– Дай, Маруся,
Бо закарцела
Сёння край!..
– Ну добра,
Зараз распрануся...
– Ды не,
Ты мне на пляшку дай!..