ФОРТЭЛІ МОДЫ
-
Фортэлi моды
Млеў Эраст
Ад любой маладзіцы,
І цягаўся
За кожнай спадніцай.
... Мода, мода!
Што робіш ты з намі?! –
Валачыцца ён стаў
За штанамі. -
Мiна
Што міні сёння ў модзе,
Раз пачула
Бабуля,
І сказала ўнучцы Ніне:
– Ты б лепей
Што другое апранула –
Не падарваўся б хто
На гэтай міне!.. -
Розныя думкi
Фядот неяк вечарам
З жонкай Ілонкай
Глядзеў
Дэманстрацыю мод.
Пра новае футра
Падумала жонка,
Пра новую жонку –
Фядот. -
Мiнi i максi
Дзеўцы
І жанчыне –
Пажадаў бы
Многім:
Апранайце
Міні,
Калі максі –
Ногі! -
Уразрэз
Спадніц жаночых
Вабячы разрэз!
Я ім навекі
Заінтрыгаваны.
І думкі йдуць
Са сціпласцю ўразрэз,
Бо ў той разрэз жа
І накіраваны.