ЛЮБОЎ ЯШЧЭ БЫЦЬ МОЖА
-
Любоў яшчэ быць можа
Прашу цябе:
Дапамажы мне, Божа,
Усіх былых каханак
Не забыць!..
Я іх любіў.
Любоў яшчэ быць можа…
Хаця, канечне,
Можа і не быць!.. -
Смага
Я вады ў Вас папрасіў,
І ўжо напіўся,
Але “дзякуй” не паспеў
Сказаць за ўвагу,
Бо не к месцу
Ваш халацік расшпіліўся –
І я зноў адчуў
Дакучлівую смагу!.. -
Па-над ракою
Пад вербалозам
Плешчацца рака,
І спевам задае
Салоўка перцу.
Вісіць у небе
Серп маладзіка,
А Ваша “не” –
Тупым сярпом па сэрцу!.. -
Не ламайся!
Не можа ў нас
Нічога атрымацца,
Таму што ты
Такою удалася:
Спачатку
Вельмі любіш паламацца,
А паламаная –
Нашто ты мне здалася?!. -
Я так цябе любiў!..
Я ногі
За табою збіў,
А ты забыла
Сёння гэта...
Я так цябе
Калісь любіў!..
І так цябе любіў,
І гэтак!..