Да таго, што можа зрабіць кожны дурань, не кожны разумны дадумаецца.

Дзед Ёг – малавядомы муж Бабы-Ягі.

Дзе наша не прападала? Хутчэй туды – няхай і там прападзе!

Дзень адчыненых дзвярэй больш за ўсё даспадобы скразняку.

Донкіхоты падбіраюць ключы да жаночага сэрца, донжуаны аддаюць перавагу адмычцы.

Доўгі язык суседнічае з кароткім розумам і шырокімі вушамі.

Дырыжор махнуў рукой на аркестр.

Дэмаграфічны выбух у мірных мэтах.

Ён гатовы быў праваліцца скрозь зямлю, але, даведаўшыся аб гэтым, амерыканскі ўрад заявіў пратэст.

Ён захапляўся фізічным бескультур’ем.

Жаніся, нягледзячы ні на што: трапіцца добрая жонка – будзеш шчаслівы сам, а не – усе тыя, каму яна не дасталася.

Жаніх гаворыць пра камень на сэрцы, муж – у нырках.

Жанчыны мужнеюць – і гэта нікога не бянтэжыць, але не дай Бог мужчыну абáбіцца!..

Жонак сабе мы выбіраем самі, удоў дае нам Бог.

Жонка – гэта тое, што застаецца ад нявесты пасля ўздзеяння шлюбам.

Жыў чужым розумам – свой эканоміў.

Заржавелы флюгер, які ўжо не мог круціцца, перакваліфікаваўся ва ўказальнік.

За хабар караюць як таго, хто бярэ, так і таго, хто дае. Але першаму, усё ж, менш крыўдна!..

Захапіўся турызмам яшчэ тады, калі пад стол пешкі хадзіў.

Зважай на абставіны: будзеш глядзець у неба днём – абзавуць гультаём, а калі ноччу – палічаць рамантыкам.

Здымаючы сукенку, жанчына здымае адказнасць за далейшае з мужчыны.

Злачынца быў узброены да зубоў, нават хвост трымаў пісталетам.

Змардаваны цяжкім гультайствам твар.

Знайшоў дурня – здай дзяржаве!

Значнасць памылак не залежыць ад значнасці людзей, якія іх нарабілі.

Зноў любоўны трохвугольнік: яна любіць яго, а ён – сябе.

З паказання сведкі: – Жылі яны ціха – сварыліся шэптам і біліся моўчкі.

Зрабіўшы глупства, не спыняйся на паўдарозе – шукай для яго апраўданне.

І каменьчык у чаравіку прыносіць асалоду, ... калі выкінеш яго адтуль.

І ваўкі – сытыя, і сена – цэлае. Адно кепска – коз няма.