Лепей жораву ў небе, чым сініцы ў руцэ.

Любоўная драма: любіць сябе, але не карыстацца ўзаемнасцю.

Людаед быў вялікім чалавекалюбам.

Лягчэй уліпнуць у гісторыю, чым увайсці ў яе.

Магікане! Хто апошні? Я – за вамі!

Малоць языком – гэта фізічная ці разумовая праца?

Маўчаў, сцяўшы зубы... ў кулаку.

Многа грошай мала ў каго ёсць.

Мода – бессмяротная. Колькі разоў ужо чуўся яе апошні крык, а яна ўсё жыве.

Можна пагнацца і за двума зайцамі – калі яны бягуць у адзін бок.

Мудрая думка прыходзіць, як дзяўчына на спатканне: заўсёды спазняецца, калі яе чакаеш, і нечакана з’яўляецца, калі ў цябе ўжо другая.

Мужчыны, якія адразу ж вераць жаночаму „не”, не вартыя іхняга „так”.

Мужык любіць сястру багатую, жонку – здаровую, а цешчу – здорава багатую.

Нават у пекле мае блат – чорт яго бацьку ведае.

Найлепшы кляп для жанчыны – пацалунак, а для мужчыны – грошы.

Найлепшы сродак ад усякай хваробы – здароўе.

На першы погляд, яна была далёка не прыгажуня, а ў другі раз на яе і глядзець не хацелася.

На твары хулігана было напісана, што для яго закон не пісаны.

Нашто збіраць усе недахопы разам: разумная жанчына магла быць хаця б прыгожай!..

Не біся галавой аб сцяну – паважай працу будаўнікоў!

Не блытай: трэба вучыцца на памылках, а не – памылкам!

Не выходзь з сябе, калі хочаш выйсці ў людзі!

Не кідай слоў на вецер – не засмечвай атмасферу!

Не крытыкуй чужога начальніка – для гэтага дастаткова і яго ўласных падначаленых.

Нельга адмовіць яму ў педагагічных здольнасцях – на яго памылках вывучылася не адно пакаленне.

Нельга сказаць, што ў яго не было сумлення – проста ён ніколі ім не карыстаўся.

Не перагінай палку – наламаеш дроў!

Не прыслухоўвайся да чужых парад: былі б карыснымі – імі б карысталіся самі, а не давалі табе.

Не прышый кабыле хвост – дзе ты бачыў кабылу з двума хвастамі?..

Не стаў пытанне рубам – у такім становішчы яно найменш устойлівае.