Не сячы сук, на якім сядзіць твой начальнік. Будзе падаць – на цябе ж і абрушыцца.

Не такі страшны чорт. Бачылі б вы партрэт яго бабулі!..

Не ў грашах шчасце, але – і не ў іх адсутнасці.

Не хадзі на галаве – лысіна стопчацца!

Ні Богу свечка ні чорту качарга – РАЙмаг зачынены на пераўлік.

Ні два ні паўтара – тры паўлітры і чакушка.

Нікому не давяраў, акрамя сябе, ды і то быў у сябе на падазрэнні.

Ніхто ад яго дабра і не чакае – няхай бы толькі не рабіў благога!

Нічога не рабіў, але марыў нічога не рабіць за больш высокую зарплату.

Нішто ў прыродзе не знікае бясследна, ... акрамя грошай.

Ногі – як індывідуальны сродак перамяшчэння.

Нос уладкаваўся на работу флюгерам – яго заўсёды трымалі па ветры.

Паглядзела – рублём падарыла. Як пазней выявілася – фальшывым.

Пад дрэвам навукі стала так цесна ад ньютанаў, што яблыку недзе ўпасці.

Пажарнікі баяліся свайго начальніка як агню.

Пайшоў насустрач пажаданням, але размінуўся з імі.

Пальчаткі былі лёгкіх паводзін – пайшлі па руках.

Параўнальна з подласцю, якую ён мог зрабіць, зробленая ім нізасць выглядае добрай справай.

Па Сеньку – шапка, а па Сямёну Сямёнавічу – капялюш.

Патэлефанаваў жаночы голас са слязамі на вачах...

Пачуў, што ляжачага не б’юць – дык так і працуе: не бі ляжачага.

Першы хлопец на сяле – апошні з магікан.

Правёўшы раззбраенне, кішкі замест марша сталі іграць вальс.

Праца дысертанта зводзілася да таго, што ён размясціў азбучныя ісціны ў алфавітным парадку.

Прыкмета: У цябе звініць у вуху – значыць, ты толькі што атрымаў аплявуху.

Прыстойная жанчына не бегае за мужчынам – вопытны паляўнічы палюе з засады.

Псуюць людзей не грошы, а іх адсутнасць.

Рабі сваю чорную справу, камінар!

Работы ніколі не бывае мала, а зарплаты – многа.

Разводзяцца, як вядома, толькі жанатыя, таму асноўная прычына разводаў – шлюб.