Раз на раз не прыходзіцца – інтэлігент забівае цвік.

Разумная жанчына адмаўляе мужчыну роўна столькі, колькі патрэбна для таго, каб ён зразумеў бязглуздасць сваёй прапановы, але і не больш таго, каб ён не паспеў адмовіцца ад свайго намеру.

Раман „Ціхі Дон Кіхот”.

Рожкі ды ножкі – мясапрадукты 4-й катэгорыі.

Сабаку – сабачая смерць, а сучцы – сучая!

Сам Бог паслаў яму яе, а пасля нячыстая сіла прынесла яе маці.

Сам не свой – чужы начальнік.

Самы надакучлівы тып свярбячкі – гэта калі свярбіць язык.

Самы надакучлівы тып свярбячкі – гэта калі свярбіць язык.

Свабоду ўсім языкам, якіх трымаюць за зубамі!

Секс-бомба – гэта зброя індывідуальнага ці масавага паражэння?

Сеў у лужыну – не гані хвалю!

Скажы мне, хто твой таварыш, каб я ведаў, як Вас называць.

Складваецца ўражанне, што ў Ахілеса перад смерцю душа была ў пятках.

Скрыпач іграў першую скрыпку на нервах дырыжора.

Смерць больш дакладная, чым жыццё – жыццё можа прайсці міма, а ўжо смерць цябе не абміне.

Спакушаючы грэшніка, чорт не шкадаваў сваіх нячыстых сіл.

Спелеолаг як скрозь зямлю праваліўся.

Стаў на ногі – абтрасі рукі!

Страхар крыў матам прараба.

Сустрэўшыся, два мужчыны шукаюць трэцяга, а дзве жанчыны – згадваюць трэцюю.

Сучаснасць – гэта месца спаткання Мінулага з Будучым.

Сярэдняй рукі майстар на ўсе рукі.

Таварыства па барацьбе з цвярозасцю.

Той-сёй, пакідаючы след пасля сябе, толькі дабаўляе працы прыбіральшчыцы.

Той, хто першым перагнуў палку, вынайшаў дугу.

Толькі адзін кныр не супраць, калі яму падкладваюць свінню.

Трымаў нос па ветры – так разварочвала галаву.

Тэлевядучы любіў сябе паглядзець і другім паказаць.

Узровень нізасці, на якую ён здольны, даволі высокі.